missing you my dear, with all my heart and soul....
this distance growing between us, pesters like a violent ghoul...

i try to escape from this madness, yet it says with me...
i wanna run away from, from here, reaching out to thee...

i waited for you, waited and tried.... cried for you, till my eyes dried...

i waited for you, waited and tried.... cried for you, till my eyes dried...

adhoorapan

ye raat adhoori hai uske bina...

ye baat adhoori hai uske bina...

jazbaat hain adhoore, adhoore shabd hain...

ye zindagi adhoori hai uske bina...


ek adhoori si raat mein, kuch adhoore sapne hain,

jin sapnon mein wo kuch der ke liye aati hai...

thoda muskurati hai, thoda sharmaati hai...

kuch adhoora sa kehke gaayab ho jaati hai...


kuch adhoore raaston pe dhoondhta hun usey...

kuch adhoori se lamhon mein dhoondhta hun usey...

ek adhoori si shaam mein uska intezaar rehta hai...

meri adhoori si aankhin se adhoora sa aansu behta hai...


kuch adhoore shabd ab bhi goonjte hain kaan mein,

kuch adhoore se jazbaat pighalte hain jaan se...

kuch adhoori tammanaaon ki khwahish jaagti hai...

kuch adhoori si aag bhabhakti hai is insaan mein...


aaj bhi ek adhoora ashq aankh mein ruka hai....

jaise ek adhoora ped bojh se jhuka hai...

jaise ek adhoora raasta dhool ho chuka hai...

jaise ek adhoora sa dil baar baar dukha hai....


ye adhoore shabd shayad hi poore honge...

ye adhoore khwaab shayad hi poore honge...

kuch khwahishein hain jinki chitaa jalaa chuka hun...

baaki ke armaan bhi shayad hi poore honge...

unka intezaar kiya...

kuch waqt unka intezaar kiya....
fir apni mohabbat ka ikraar kiya...
chale gye is duniya se, mile bina unse...
par marne par unka intezaar kiya...

marte waqt jab khuli jo aankhen,
fir unka deedar kiya,
chale gye is duniya se aur,
us paar unka intezaar kiya...

kuch mausam bigad jaayein to hi achcha hota hai...
kuch chaman ujad jaayein to hi achcha hota hai....
yun to sab saath maangte hain logon ka,
par kuch log bichhad jaayein to hi achcha hota hai...!

wo thi ik raat ki baat, jab hum the mile,
wo thi ik raat ki baat, jab dil the khile,
aaj bhi aankh bhar aati hai, dil usko deta hai awaaz,
jab yaad aate hain wo pal, jinme pyaar ke phool the khile...