kabhi waqt badal gaya, kabhi aadat badal gayi,
jin aankhon se ki thi mohabbat wo aankhein badal gayi,
socha tha is kismat ke sahaare unse ek ho jaayenge hum,
par ek waqt aisa aaya, ki kismat badal gayi...

andheron se ghire huye hain, akele chal rahe hain hum,
ek bhoole huye mandir mein, aakhri lau se jal rahe hain hum,
kya kahein kaise jeete hain, har pal tadap ke,
ek barf mein dafn, aakhri saans ki tarah, ukhad ke sambhal rahe hain...

ye dekh patangein bhi hairan ho gayi, ki ab to chhatein bhi hindu musalmaan ho gayi...

waqt ki chaukhat par ek aur sar kalam ho gaya, kya kahein kisi se, hamaari khata kya thi...

sard raat ko hawa bhi kya khaak ko aise tadpati hogi, jaise tera chehra is rooh ko tadpata hai, talwar to sirf maut de kar rukti hai, par teri aahaton ka khanjar dil chalni kar jaata hai...

kisi se vaada kiya tha muskurane ka, hum muskurate rahe, hum chalte rahe unke peeche, wo dur jaate rahe, na jaane kya shikwa thi unhe humse, hum marte rahe, wo muskurate rahe...

tere ishq mein, tujhse dur reh kar, jaise zindagi tabaah lagti hai, sardion mein aur tadpaati, jaise sard hawa lagti hai, kuch aise bus gayi hai, ye doorie humaare beench mein, ab to zindagi bhi ye, bewafa lagti hai...